▫️ «Ҳаҭыр зқәу ҳауаажәлар!
▫️ Гәык-ԥсык ала ишәыдысныҳәалоит ақьырсиан иашахаҵаратә ныҳәа Нанҳәа.
▫️ Ҳаԥсуа жәлар жәытә-натә аахыс еиқәырханы иаарго ҳқьабзқәа еснагь ҳаҭырқәҵарала ирзыҟоуп.
▫️ Ари аныҳә ԥшьа ҳџьынџь ҳазхьанарԥшуеит, ҳаԥсуа ҵасқәа рныҟәгара аус иацхраауеит. Ҳарҭ иаҳҭакԥхықәроуп еизҳауа абиԥарақәа ҳкьабзқәа рылааӡара, урҭ аԥхьаҟа еихаҳауа инаргаларц азы аҭагылазаашьа аԥҵара.
▫️ Акыр иаԥсоу ҳауаажәлар!
▫️ Гәык-ԥсык ала ишәыдысныҳәалоит иахьатәи амш лаша. Ишәзеиӷьасшьоит аҭынчра, агәыцқьара, ҩнаҭацыԥхьаӡа аизҳара, анасыԥ лаша. Ҳажәлар аԥеиԥш бзиа шәымазааит! Аԥсынра шәагымзааит!
▫️ Нанҳәа аныҳәа алԥха -агәаԥха шәыцзааит!
▫️ Ҽааныбзиала шәнеиааит!»
